+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Жаңаарқа ауданында өрт болып, салдарынан екі әйел газдан уланды. Олардың бірі көру қабілеті нашар мүгедек, екіншісі оның көмекшісі. Әлеуметтік қызметкер ауруханада қаза болды, - деп хабарлайды Tengrinews.kz тілшісі.
Жаңаарқа ауданында өрт болып, салдарынан екі әйел газдан уланды. Олардың бірі көру қабілеті нашар мүгедек, екіншісі оның көмекшісі. Әлеуметтік қызметкер ауруханада қаза болды, - деп хабарлайды Tengrinews.kz тілшісі.
25 маусымда кешке Жаңаарқа ауданы Жаңаарқа кентінде үш қабатты көппәтерлі тұрғын үйдің бірінші қабатында үш бөлмелі пәтерден өрт шықты. Өрт сөндіру қызметін куәгерлер 19.22-де шақырған. Олар келген бойда жанып жатқан пәтерден баспалдақпен төрт адамды, оның ішінде үш баланы шығарды.
Қою түтіннің салдарынан құтқарушылар барлық тұрғынды эвакуациялауға мәжбүр болды. Үшінші қабаттағы пәтерлердің бірінде олар есінен танған екі әйелді тапты. Оларға иіс тиген.
"Олардың бірі көру қабілеті нашар мүгедек, ал екіншісі - көмекшісі. Олар медициналық мекемеге жеткізілді. Ауруханада көмекші қаза болды, ал оның қамқорлығындағы әйелдің жағдайы ауыр", - деді Қарағанды облысы ТЖД баспасөз қызметіндегілер.
Қаза болған әйел 52 жаста еді. Екінші зардап шеккен мүгедек 1961 жылғы.
"Өрт 20.11-де сөндірілді. Оның шығу себебі анықталып жатыр. Оқиға орнында Қарағанды облысы ТЖД сынақ зертханасының мамандары жұмыс істеп жатыр", - деді Қарағанды облысы ТЖД баспасөз қызметі өкілдері.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
