Қарағанды облысында алаңда ойнап жүрген бес жасар бала токқа түсті, - деп хабарлайды Tengrinews.kz тілшісі ekaraganda.kz сайтына сілтеме жасап.
Оқиға 4 қыркүйекте сағат 19.00-де Ақсу-Аюлы ауылының орталық саябағында болған. Бала сол қолының саусақтары токқа күйіп облыстық ауруханаға жеткізілген. Куәгерлердің айтуынша, ойын алаңы маңында сымдары тек таспамен қорғалған шам тірегі бар, деп жазды "Патриот" Telegram-арнасы.
Дәрігерлер медициналық көмек көрсеткеннен кейін баланы ата-анасына тапсырды. Ол әрі қарай ем алады.
Қарағанды облысы Полиция департаментінің баспасөз қызметі мәліметінше, факт бойынша ҚР ҚК-ның 306-бабы 2-бөлігі 1-тармағы бойынша қылмыстық іс қозғалған. Жағдайдың мән-жайы анықталып жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
