+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қарағанды облысында өзен суына батып кеткен үш адамның денесі табылды, - деп хабарлайды Tengrinews.kz тілшісі.
Қарағанды облысында өзен суына батып кеткен үш адамның денесі табылды, - деп хабарлайды Tengrinews.kz тілшісі.
Облыстық ТЖД мәліметінше, барлық үш адам өзенге құлап бара жатқан УАЗ-дан өз бетінше шыға алмай, өлі табылды.
"Үш адам табылды. Өкінішке қарай, олардың барлығы қаза тапты. Қазір құқық қорғау органдарының қызметкерлері олардың кім екенін анықтап жатыр", - деді облыстық ТЖД баспасөз қызметіндегілер.
Өзенге құлап кеткен көліктің жергілікті білім бөліміне тиесілі екені анықталды. Бұл туралы облыс әкімі баспасөз қызметінің Tengrinews.kz тілшісі жолдаған сауалға берген жауабында айтылады.
"Бұл аумақта су екі тәулік бұрын таси бастаған, бұл туралы жергілікті тұрғындарға ескертілді. Қозғалыс тек айналмалы жолда болды. Қарқаралы аудандық әкімдіктің мәліметінше, ол жолда қозғалысқа тыйым салынғаны жайлы белгі болмаған. Көлікте 14 адам болған. Олардың неліктен жолға шыққаны белгісіз. Бұл жағдаймен құқық қорғау органдарының қызметкерлері айналысып жатыр", - деді Қарағанды облысы әкімінің баспасөз қызметіндегілер.
Облыстық ІІД өкілдері оқиға орнында қызметкерлері жұмыс істеп жатқанын айтты. Сондықтан кейінірек осы жағдайға қатысты толығырақ мәлімет беріледі.
Еске сала кетейік, осыған дейін Қарағанды облысында 14 адам отырған УАЗ-дың өзенге түсіп кеткені жайлы хабарланған болатын. Төтенше жағдай түнгі уақытта Қарқаралы ауданы Бесоба ауылының маңында болған. Алдын ала мәлімет бойынша, УАЗ 220695-440 маркалы көліктің жүргізушісі өзен суының тасуына байланысты көлік тізгінін игере алмаған. Содан көлік қар суы ағып жатқан өзенге қарай құлап кеткен.
