12 маусым 2024 | 12:33

Қарағандыда бұрынғы полицей өлі табылды

Фото:depositphotos.com

Қарағандыда ер адам өлі табылды. Ол оқ жарақатын алған, - деп хабарлайды Tengrinews.kz тілшісі.

Қарағанды облыстық ПД баспасөз қызметі мәліметінше, ер адам 10 маусымда өлі табылған. Оның денесінде оқ жарақатының ізі болған. Облыстық полиция мәліметінше, ер адам өз-өзіне қол жұмсаған.

"Өз қаруынан атылып, өзіне қол жұмсаған 48 жастағы ер адамның денесі табылды. Бұл факт полицияда тіркелген. Тергеу жүргізіліп жатыр", - деп хабарлады ведомствоның баспасөз қызметі.

Баспасөз қызметі оқ марқұмның тіркелген қаруынан атылғанын айтты.

"Қылмыстық-процестік кодекстің 201-бабына сәйкес өзге мәлімет жарияланбайды", - деді Қарағанды облысының Полиция департаменті баспасөз қызметі өкілдері.

Кейбір Telegram-арналар марқұмның құқық қорғау органдарында, оның ішінде Қарағанды облысы бойынша сыбайлас жемқорлыққа қарсы іс-қимыл департаментінде жұмыс істегенін жазған. Облыстық полиция департаментінің баспасөз қызметі бұл ақпаратқа әзірге пікір берген жоқ.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Қарағанды Қаза

TENGRI travel