+7 (777) 001 44 99
Қазақша
Русский
English
Қазақша
Русский
English
Қарағандыда жаңадан салынып жатқан тұрғын үй кешенінде жұмысшы қаза тапты. Қылмыстық іс қозғалды, - деп хабарлайды Tengrinews.kz тілшісі.
Тұрғын үй кешенінде жұмысшының қайтыс болуы туралы ақпарат әлеуметтік желіде пайда болды. Жазба авторының айтуынша, қайтыс болған адам лифтер болып жұмыс істеген және алдын ала мәлімет бойынша, лифттің құлауынан қайтыс болған. Тағы бір зардап шеккен адам туралы хабарланды.
Қарағанды облыстық Полиция департаментінің баспасөз қызметі тергеу басталғанын хабарлады.
"Қарағандыда салынып жатқан тұрғын үй кешені нысандарының бірінде болған оқиға бойынша, байқаусызда адамның өліміне немесе өзге де ауыр зардаптарға әкеп соққан тау-кен немесе құрылыс жұмыстарын жүргізу кезінде қауіпсіздік ережелерін бұзу дерегі бойынша қылмыстық іс қозғалды. Қазіргі уақытта бірқатар сараптама тағайындалды. Мән-жай анықталып жатыр", - деп хабарлады ведомствоның баспасөз қызметі.
Құрылыс алаңындағы ТЖ салдарынан тағы бір ер адам зардап шеккен. Облыстың денсаулық сақтау басқармасының баспасөз қызметі екінші жұмысшының жағдайына қатысты пікір білдірді. Ол Мақажанов атындағы көпсалалы ауруханаға жатқызылды. Ол ауыр жағдайда реанимацияда жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
