+7 (777) 001 44 99
Қазақша
Русский
English
Қазақша
Русский
English
Қарағандыда жаңажылдық түнде мейрамханада болған төбелестен ер адам қаза тапты, - деп хабарлайды Tengrinews.kz тілшісі Қарағанды облытық полиция департаментініне сілтеме жасап.
Редакцияның Whatsapp +7 777 - 001 - 44 - 99 нөміріне оқырмандар видео жолдаған. Онда жастар арасында жанжал шығып, артынша төбелеске ұласқан. Видеодағы үзіндіге қарағанда, оқиға 1 қаңтарға қараған түні болған.
Өңірдегі полиция өкілдерінің мәліметінше, 1 қаңтарда қаладағы мейрамханалардың бірінде зорлық белгілері бар 23 жастағы жігіттің денесі табылған. Осы уақытта әр түрлі дене жарақатын алған үш жігіт (24-27 жас аралығындағы жігіттер) медициналық мекеменің көмегіне жүгінген.
Осы дерекке қатысты сотқа дейінгі тергеу шаралары ҚР Қылмыстық кодексінің 99-бабы 1-бөлігі ("Адам өлтіру") бойынша жүріп жатыр. Алдын ала мәлімет бойынша, жастар спирттік ішімдік ішкеннен кейін жанжалдасқан. Қазіргі уақытта күдікті анықталды, ұстау шарасы жүргізіліп жатыр", - деді полиция баспасөз қызметінің өкілдері.
