+7 (777) 001 44 99
ПОДЕЛИТЬСЯ
Қарағанды тұрғыны тұрғын үй кешендерінің бірінде лифтіні қиратты. Ер адам ұсталып, оған қатысты әкімшілік материал толтырылды, - деп хабарлайды Tengrinews.kz тілшісі.
Қарағанды тұрғыны тұрғын үй кешендерінің бірінде лифтіні қиратты. Ер адам ұсталып, оған қатысты әкімшілік материал толтырылды, - деп хабарлайды Tengrinews.kz тілшісі.
Әлеуметтік желіде бұзақылық жасаған ер адамның видеосы тарап кетті. Кадрларға қарағанда, оқиға "Комфортный дом" тұрғын үй кешенінде болғаны байқалады. Болжам бойынша, ер адам лифтіге қамалып қалып, ашуланғаннан есікті тепкілей бастаған. Дәл осы кезде оның қасында болған әйел оны тоқтатуға әрекеттенген. Салдарынан лифт есіктері зақымданған.
Посмотреть эту публикацию в Instagram
Видеоға полицейлер қызығушылық танытқан. Қарағанды облысы ПД баспасөз қызметі құқықбұзушының жеке басы анықталғанын айтты.
"15 қарашада Қарағанды қаласының Оңтүстік-Шығыс полиция бөліміне қаладағы тұрғын үй кешендерінің бірінде белгісіз біреу лифт есігін зақымдағаны туралы хабарлама келіп түсті. Полиция жасағы ұсақ бұзақылық дерегін тіркеді. Жедел іздестіру шаралары нәтижесінде анықталған бұзақы 29 жастағы қала тұрғыны болып шықты", - деді ведомство өкілі.
Құқық бұзушыға қатысты Әкімшілік құқықбұзушылық туралы кодекстің 434-бабы "Ұсақ бұзақылық" бойынша әкімшілік іс қозғалған.
Материал процессуалдық шешім қабылдау үшін әкімшілік сотқа жолданды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
