+7 (777) 001 44 99
Қазақша
Русский
English
Қарағандының "Шығыс" орталық базары маңынан кішкентай баланың денесі табылды, - деп хабарлайды Tengrinews.kz тілшісі куәгерлерге сілтеме жасап.
Сәбидің денесін Қазыбек би ауданындағы жеке секторының тұрғындары тауып алып, полиция шақырды. "Сәби жол бойында үй қоршауларына жақын жерде жатты", - деді жергілікті тұрғындар. Олардың айтуынша, сәбидің денесін ит-мысық талап тастаған. Бала табылған жерге құқық қорғау органдарының қызметкерлері келіп, денені мәйітханаға алып кетті. Қарағанды облысы ІІД-нен болған жағдай туралы пікір алу әзірше мүмкін емес.
Айта кетейік, осыған ұқсас жағдай Оралда болған еді. Баланың денесі Жайық өзенінің бойында табылды. 4 жасар баланың денесін құтқарушылар жоғалып кеткен балықшыны іздеуге шыққан кезде тауып алған. Кейін баланың 16 қазанда атасымен және әжесімен бірге Атырау облысының Құлсары қаласынан Оралға келгені анықталды. Сол күні 57 жастағы ер адам мен 4 жасар немересі серуендеуге кетіп, қайтып келмей қалған. Егде жастағы ер адамның денесі сол маңнан табылды. "Бұл, сөзсіз, күштеп өлтіру емес, жазатайым болған оқиға", - деді полиция өкілдері.
