+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Таяуда Талдықорғанда менингиттен қайтыс болған студент оқыған медициналық колледждің жатақханасында карантин жарияланды. Қазіргі уақытта сол жатақханада болған студенттердің барлығын мамандар бақылауға алды, - деп хабарлайды КТК телеарнасы.
Таяуда Талдықорғанда менингиттен қайтыс болған студент оқыған медициналық колледждің жатақханасында карантин жарияланды. Қазіргі уақытта сол жатақханада болған студенттердің барлығын мамандар бақылауға алды, - деп хабарлайды КТК телеарнасы.
Телеарнаның мәліметінше, дәрігерлер 99 студентті бақылап отыр. Жатақханаға бөтен адамдарға кіруге тыйым салынады, барлығы бетперде киіп жүр.
Қайтыс болған жігіттің таныстарының айтуынша, ол ораза ұстап жүрген және сол кезде әлсіреп жүрген.
"Ол күн сайын кешке ауызашарға баратын. Ораза кезінде денсаулығы әлсіреді. Мен студенттердің бәріне "мүмкін ораза ұстамай-ақ қоярсыңдар" деп айтамын. Оның үстіне сессия жүріп жатыр. Колледжде арнайы фильтрлар қойдық. Біреудің температурасы көтерілсе бірден ауруханаға жібереміз", - дейді медицина колледжінің директоры Серік Жансегіров.
Расул Асланоғлының достарының айтуынша, Расул қарапайым жігіт болған, ораза ұстаған және күнделікті кешке мешітке барып жүрген.
Еске сала кетейік, 17 жастағы жігіттің менингиттен қайтыс болғаны жайлы Алматы облысы Қоғамдық денсаулық сақтау департаментінің басшысы хабарлаған болатын. "17 жастағы жігіт медициналық колледжде оқыған. Ол 3 маусымда ауруханаға түсіп, 4 маусымда қайтыс болды", - деген еді Ерғали Сыдыманов.
Облыс әкімінің баспасөз қызметіндегілердің айтуынша, студент ауруханаға ауыр жағдайда түскен. "Ол жасанды тыныс алдыру аппаратына қосылды, алайда жансақтау бойынша жүргізілген шаралар көмектеспеді. Салдарынан 18.30-да ол қайтыс болды", - деп хабарлаған еді баспасөз қызметіндегілер. (Дереккөз: КТК)
