+7 (777) 001 44 99
Қазақша
Русский
English
Алматыда жаяу жүргіншілер көпіріндегі мопед видеоға түсіп қалды, - деп хабарлайды Tengrinews.kz тілшісі.
"Шығыс айналма жолы. Мопед жүргізушілері жолда жүргендей жаяу жүргіншілер көпірімен жүр", - делінген видео сипаттамасында.
Бұл ретте пікір білдіргендер арасында мопед тебетіндердің жаяу жүргіншілерге арналған жолдармен жүруі қаншалықты заңды деген сұрақ туындайды.
Алматы қалалық Полиция департаменті мәліметінше, мопед тебетіндерге жаяу жүргіншілер өткелі, жаяу жүргіншілер жолымен де жүруге болмайды.
"Мопедтер мен велосипедтерді пайдалану ережелері ҚР ЖҚЕ 24-тарауында көрсетілген. ҚР ЖҚЕ 24-тарауы 4-тармағы мен 6-тармағына сәйкес, мопедтер жаяу жүргіншілер жолымен жүре алмайды. Мұндай заңбұзушылықтарға мопед тізгіндеген азаматтар ҚР ӘҚБтК-нің 615-бабы 1-бөлігі бойынша жазаланады", - деп түсіндірді Алматы қалалық Жергілікті полиция қызметі өкілдері.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
