+7 (777) 001 44 99
Қазақша
Русский
English
Түркістан облысының Мақтаарал ауданында бұрынғы әйеліне барып жанжал шығарған ер адам, полицейлердің қолынан қаза тапты, - деп хабарлайды Tengrinews.kz тілшісі.
Түркістан облысы Полиция департаментінің баспасөз қызметі мәліметінше, полицияға жергілікті тұрғын хабарласып, бұрынғы күйеуі қарумен келіп, кәмелетке толмаған балалардың көзінше жанжал шығарғанын айтқан.
Оқиға орнына барған полицейлер ер адамды ұстауға әрекет жасаған, алайда ол үйден қашып шығып, көрші аулада орналасқан сарайға тығылған. Қауіпсіздік мақсатында аумақ қоршауға алынған.
Ер адам құқық қорғау қызметкерлерінің заңды талаптарына бағынбай, атыс шығарған. Полицейлер алдымен ауаға ескерту ретінде оқ атқан, бірақ ол тоқтамаған. Салдарынан тәртіп сақшылары қызметтік қарудан оқ атып, ер адам сол жерде қаза тапқан.
"Қазіргі уақытта оқиғаның барлық мән-жайын анықтауға бағытталған қажетті жедел-тергеу шаралар жүргізіліп жатыр. Тергеудің барысы Полиция департаменті басшылығының бақылауында", - деп хабарлады полиция.
Оқиға орнын тексеру кезінде тіркелмеген қару, оқ-дәрілер және гильзалар тәркіленді. Факт бойынша қылмыстық іс қозғалды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
