Көкшетауда ТЖМ институтының курсанты үшінші қабаттан құлады

24 Сәуір 2014, 11:29
0
Көкшетауда ТЖМ институтының курсанты үшінші қабаттан құлады - ҚР ТЖМ Көкшетау техникалық университеті. Фото Тengrinews.kz мұрағатынан
ҚР ТЖМ Көкшетау техникалық университеті. Фото Тengrinews.kz мұрағатынан

Көкшетауда Төтенше жағдайлар министрлігінің техникалық институтының курсанты үшінші қабаттан құлап, ауруханаға түсті, - деп хабарлайды "Интерфакс-Қазақстан".

Бірінші курс студенті 24 сәуірге қараған түні оқу корпусының үшінші қабатындағы терезеден құлаған. Институт бастығы Сырым Шәріпхановтың хабарлауынша, төтенше оқиға астаналық курсанттың күндізгі кезекшілігі кезінде болған. "Ол үш бірінші курстық және бір екінші курстықпен бірге күндізгі кезекшілік атқарды. Қазіргі уақытта оқиғаның мән-жайын анықтап жатырмыз, қасында болған екінші курстықтың сөзіне қарағанда, ол өзі секіріп кеткенге ұқсайды", - дейді Шәріпханов.

Курсант көп жарақат алған, қазіргі кезде оған операция жасалып жатыр. "Бізге, бастысы, оның тірі қалып, алған жарақаттарының келешекте денсаулығына нұқсан келтірмегені керек", - дейді оқу орнының басшысы. Қазіргі уақытта институтта арнайы комиссия жұмыс істеп жатыр, ол курсанттар арасында бұрын қандай да бір жанжал болды ма, жоқ па - соны анықтайды.

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай