+7 (777) 001 44 99
Қазақша
Русский
English
Қазақстанда рұқсат етілмеген жерлерде отшашу ату шамамен 74 мың теңге айыппұлға әкеп соғады, - деп хабарлайды Tengrinews.kz тілшісі КТК телеарнасына сілтеме жасап.
Құтқарушылар мен полицейлер тағы да ескерту жасады: отшашуларды абайсыз қолдану қайғылы жағдайларға әкелуі мүмкін.
"Пиротехникалық бұйымдарды ғимараттар мен құрылыстардан кемінде 50 метр қашықтықта қолдану керек. Көбінесе, статистикаға қарағанда, бұйым жұмыс істемей қалса, қызық болып, оны ашып көреміз. Осы кезде ол қайта іске қосылып, соның салдарынан жарақат алу жағдайлары кездеседі", – деп түсіндірді Алматы ТЖД мемлекеттік өрт бақылау басқармасының бастығы Константин Канин.
Жаңа жыл түні қайғылы жағдайлармен аяқталмауы үшін отшашуларды тексерілген дүкендерден сатып алу қажет. Тауардың сертификаты ғана емес, қаптамасына да назар аудару керек. Қаптама бүтін болуы тиіс. Ең бастысы – жарамдылық мерзімін қарау.
Құтқарушылар тауарды мұқият тексеріп, отшашуларды ашық ауада электр сымдары мен автокөліктерден алыс жерде жағуды ұсынады. Адамдар кемінде 50 метр қашықтықта болуы керек.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
