Көшеге соғыс ардагерінің есімін берген әкім айыппұл төлейді

04 Ақпан 2015, 15:00
0
Көшеге соғыс ардагерінің есімін берген әкім айыппұл төлейді - ©Susanin.udm.ru
©Susanin.udm.ru

Алматы облысында көшеге Ұлы Отан соғысы ардагерінің есімін берген ауылдық округ әкімі әкімшілік жауапкершілікке тартылды, - деп хабарлайды Тengrinews.kz тілшісі облыстық прокуратураның баспасөз қызметіне сілтеме жасап. 

Райымбек аудандық прокуратурасы нормативтік құқықтық актілерді қабылдау заңдылығына тексеру жүргізген. Тексеру барысында Жылысай ауылдық округі әкімінің 2014 жылдың 1 қарашасында көшеге Ұлы Отан соғысының ардагері О.Жолдасбаевтың атын беру туралы шешім шығарғаны, бірақ оны облыстық әділет басқармасына тіркеуге ұсынбағаны, сөйтіп, заң талаптарын бұзғаны анықталды. 

"Аудан прокуроры Жылысай ауылдық округінің әкімі Әлдибековтің үстінен ҚР Әкімшілік құқықбұзушылық туралы кодексінің 457-бабының 1-бөлігімен әкімшілік ісі қозғалып, аудан сотының 15.01.2015 жылғы қаулысымен ауыл әкімі ҚР Әкімшілік құқықбұзушылық туралы кодексінің 457-бабының 1-бөлігі бойынша кінәлі деп танылып, оған 10 АЕК мөлшерінде немесе 19 820 теңге айыппұл салынды", - делінген прокуратураның хабарламасында.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай