24 наурыз 2022 | 09:02

Қосшыдан Нұр-Сұлтанға баратын тасжолда автобус пен 11 көлік соқтығысты

Жансая Қадыржанова Корреспондент

Қосшыдан Нұр-Сұлтанға баратын тасжолда автобус пен 11 көлік соқтығысты. Ақпаратты елордалық Полиция департаментінің баспасөз қызметі растады, - деп хабарлайды Tengrinews.kz тілшісі.

Қосшыдан Нұр-Сұлтанға баратын тасжолда автобус пен 11 көлік соқтығысты. Ақпаратты елордалық Полиция департаментінің баспасөз қызметі растады, - деп хабарлайды Tengrinews.kz тілшісі.

Жол апаты болған жердегі видеолар әлеуметтік желіде тарады. Кадрларда автобус пен бірнеше көлік зақымдалғаны көрінеді.

Полицейлердің мәліметінше, оқиға күндіз сағат 14.30 шамасында болған.

Посмотреть эту публикацию в Instagram

Публикация от ASTANA / НОВОСТИ / АСТАНА (@astanovka98)

"Қосшы қаласынан Нұр-Cұлтанға дейінгі тасжолда 12 көлік, соның ішінде автобус соқтығысты. Жол апатына кінәлі тұлғалар метеорологиялық жағдайларға сай жылдамдықты сақтамаған.

Оқиға салдарынан зардап шеккендер жоқ. Үш адам дәрігерлер қарағаннан кейін үйлеріне жіберілді", - деді департамент өкілі.

Осы оқиға бойынша тексеріс жүргізіліп жатыр.

"Тәртіп сақшылары қиын жағдайға тап болған жүргізушілерге барынша көмектеседі, сондай-ақ қоғамдық тәртіп пен азаматтардың қауіпсіздігін қамтамасыз етеді", - деді патрульдік полиция полкінің кезекші бөлімінің бастығы Айбек Нартпаев.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

жол апаты Нұр-Сұлтан Тасжол