Қостанайда алапат өрт болды: 11 үй жанып кетті

Фото: Владимир Файль

9 мамырда кешке Қостанай шетінде Тобыл өзенінің бойында қамыс өртенді. Желдің салдарынан өрт жақын маңдағы тұрғын үйлер мен Набережная көшесіндегі жеке сектордың ауласына тарап кетті, - деп хабарлайды Tengrinews.kz тілшісі "Наш Костанай" және "Костанайские новости" сайтына сілтеме жасап.

9 мамырда кешке Қостанай шетінде Тобыл өзенінің бойында қамыс өртенді. Желдің салдарынан өрт жақын маңдағы тұрғын үйлер мен Набережная көшесіндегі жеке сектордың ауласына тарап кетті, - деп хабарлайды Tengrinews.kz тілшісі "Наш Костанай" және "Костанайские новости" сайтына сілтеме жасап.

ТЖД мәліметінше, өрт 11 тұрғын үйді, алты шаруашылық құрылыс нысаны мен төрт автокөлік, оның ішінде бір жүк көлігін жойып жіберді. Екі тұрғын үй жартылай бүлінді, жалпы 1000 шаршы метр алаң зардап шекті. Қамыс шамамен 1,5 гектар жер жанған.

Өртті сөндіру қатты жел мен түтіннен қиындағаны хабарланды. Зардап шеккендер мен қаза болғандар жоқ, Набережная көшесі бойынша 25 адам эвакуацияланды.

Эвакуацияланған адамдар "Дружба" емдеу-сауықтыру орнына орналастырылды. Алдағы уақытта оларға көмек көрсетіледі. Өрт сағат 20.15-те ауыздықталып, жергілікті уақыт бойынша сағат 21.24-те сөндірілді.

Өртті сөндіруге ТЖД мен Қостанайдың басқа да қызметтерінің ондаған қызметкері мен техникасы жұмылды. Оқиғаның себебі мен шығын анықталып жатыр.