+7 (777) 001 44 99
ПОДЕЛИТЬСЯ
Қостанайда мас полицей жол апатына түсті, - деп хабарлайды Tengrinews.kz тілшісі Қостанай облыстық ІІД баспасөз қызметіне сілтеме жасап.
Қостанайда мас полицей жол апатына түсті, - деп хабарлайды Tengrinews.kz тілшісі Қостанай облыстық ІІД баспасөз қызметіне сілтеме жасап.
Баспасөз қызметінің мәліметінше, 2018 жылы 4 қаңтарда сағат 00:42 шамасында "102" пультіне Гоголь көшесінің бойында "Лифан" және "ВАЗ-2115" автокөліктерінің соқтығысқаны жөнінде хабарлама келіп түскен. Оқиға орнына жол-патрульдік полиция қызметкерлері жетті.
Гоголь көшесімен Баймағамбетов көшесіне қарай бет алған "ВАЗ-2115" автокөлігінің 26 жастағы жүргізушісі алдағы көлікпен арадағы қашықтықты сақтамай, "Лифан" автокөлігіне соғылғаны анықталды, оны 31 жастағы ер адам басқарған. Полицейлердің хабарлауынша, жол апатынан ешкім зардап шеккен жоқ.
"Жүргізілген сараптамалардың нәтижесі бойынша, "Лифанның" жүргізушісі мас болмаған, ал "ВАЗ" жүргізушісі - мас. "ВАЗ-2115" автокөлігінің 26 жастағы жүргізушісі полиция қызметкері болған", - деп хабарлады ІІД баспасөз қызметіндегілер.
Қазіргі таңда жүргізушіге қатысты ҚР ӘҚК 608-бабы 3-бөлігіне сәйкес әкімшілік хаттама толтырылды және қызметтік тергеу жүріп жатыр. "Қазір оған қатысты жеке қауіпсіздік басқармасы тексеру жүргізіп жатыр. Қызметкердің бұдан кейінгі тағдыры тексеру нәтижелеріне сәйкес шешіледі", - деді ІІД мамандары.
