20 мамыр 2019 | 15:47

Қостанайда оқушыны автобус қағып кетті

Айдос Қосыбаев

Қостанай қаласындағы әл-Фараби даңғылының бойында жол-көлік оқиғасы болды, - деп хабарлайды "Алау".

Куәгер Виолетта Немолеваның айтуынша, Қостанай қалалық ауруханасының маңында екі белгі орнатылған: "Ескерту, балалар" және "Жаяу жүргіншіге арналған жол". Дәл осы жерден оқушы қыз өтіп бара жатқан кезде оны автобус қағып кеткен.

"№ 2 бағытында жүретін қоғамдық көлік. Қалай көрмеуге болады, екі бірдей белгі тұр. Баланың жасы шамамен 10-12-де. Менде жолдан өтіп бара жаттым, көлік тежегішінің ысқырығын және қыздың айғайлаған дауысын естідім. Оның тоқтауға мүмкіндігі болды, арасы біраз жер еді. Онда белгілер тұр емес пе, сонша басқаны несі?", - дейді әйел.

Оның айтуынша, ер адам мен әйел қызды көтеріп алып, дереу қалалық ауруханаға апарған. Полицейлер келді. Әйел адамның айтуынша, бұл айда осымен бірнеше рет жол апаты болған.

"Бірінші рет емес. Осы жерде әрдайым біреуді қағып кетіп жатады. Мен автобуспен жиі жүремін олар үнемі телефонмен сөйлесіп отырады. Жолаушылардың қауіпсіздігін ескеруі керек емес пе?", - дейді ол.

қоғамдық көлік Қостанай соңғы жаңалықтар Жол-көлік оқиғасы

TENGRI travel