+7 (777) 001 44 99
Қазақша
Русский
English
Қостанайдағы теміржол өткелінде пойыз автокөлікті соғып өтті, - деп хабарлайды Tengrinews.kz тілшісі.
Теміржол өткеліндегі апат қала ішінде, мамандандырылған ХҚКО маңында болған. Жолаушылар поезы автокөлікпен соқтығысқан.
Посмотреть эту публикацию в Instagram
"10.00 шамасында "102" пультіне ХҚКО ауданындағы теміржол өткелінде пойыз бен Chevrolet автокөлігі соқтығысқаны туралы хабарлама келіп түсті. Оқиға орнына келген полиция қызметкерлері көлік жүргізушісі ХҚКО ауданындағы Карбышев көшесінен келе жатып, теміржол өткеліне шығып кетіп, Нұр-Сұлтан - Орал жолаушылар пойызымен соқтығысқанын анықтады. Пойыз Рудный қаласы бағытында теміржол бойымен келе жатқан", - деп мәлімдеді Полиция департаментінің баспасөз қызметі.
Көлік жүргізушісі ауруханаға жеткізілді.
"1981 жылы туған ер адам қалалық ауруханаға жеткізілді", - деді Қостанай облысы Денсаулық сақтау басқармасының баспасөз қызметі өкілі.
Оның жағдайы ауыр екені, жансақтауда жатқаны белгілі болды. Қандағы алкоголді анықтау үшін талдау алынған. Оқиғаның мән-жайы анықталып жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
