Қостанайдағы жарылыстан зардап шеккен екі адам ауруханада қайтыс болды

Қостанайда жекеменшік үйдің жертөлесінде болған жарылыстан зардап шеккен екі адам қайтыс болды, - деп хабарлайды Tengrinews.kz тілшісі.

Бұл туралы Қостанай облыстық денсаулық сақтау басқармасының баспасөз қызметі мәлім етті.

"Өкінішке қарай, Бородин көшесіндегі жарылыстан зардап шеккендердің екеуі де күйік ауруынан қайтыс болды (күйік ауруы - күйік шалу нәтижесінде органдар мен жүйелер белсенділігінің бұзылуы)", - делінген министрлік хабарламасында.

Департамент зардап шеккендердің денесінде 90 пайыз және 60 пайыз күйік жарақаттары бар екенін түсіндірді.

Бұған дейін Қостанайдағы жекеменшік тұрғын үйдің жертөлесінде жарылыс болып, екі адам жансақтау бөліміне жеткізілгені хабраланған болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!