Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Қостанайлық зейнеткер өзін өртеп жіберді

29 Қаңтар 2016, 17:40
0
© Мagicking.ru
© Мagicking.ru

Қостанайлық 67 жастағы зейнеткер Алексей Корбовский отбасындағы жанжалдан кейін өзін өртеп жіберді, - деп хабарлайды Tengrinews.kz тілшісі.

Зейнеткердің қызы Надежда Корбовскаяның айтуынша, әкесі психикалық ауытқуға ұшыраған. "Оның психикалық ауытқуға ұшырағаны жақын арада белгілі болды. Біз психоневрологиялық диспансерде дәрігердің қабылдауында болдық. Ол әкемізді ауруханаға жатқызу керек екенін айтқан, дегенмен біз бұған қарсы болған едік. Әкем анаммен жанжалдасып қалған болатын, осыдан кейін мен анамды әкеттім. Үйде жалғыз қалған әкем осыдан кейін өзін өртеп жіберген", - деді ол.

Қостанай қалалық ауруханасының бас дәрігері Самат Шүменбаевтың айтуынша, жәбірленушінің жағдайы тым ауыр. "28 қаңтарда бізге денесінің 90 пайызын күйік шалған қарт адам түсті. Оның тыныс алу жолдарына зақым келген, денесі күйіп қалған. Сауығып кетеді деу өте қиын", - деді бас дәрігер.

Полицейлердің мәліметінше, осы дерек Сотқа дейінгі тергеудің бірыңғай реестрінде ҚР Қылмыстық Кодексінің 105-бабы ("Денсаулыққа қасақана зиян келтiру") бойынша тіркеуге алынды. "Қазір сот-медициналық сараптамасы тағайындалды, соның аясында тергеу амалдары жүргізіліп жатыр. Негізгі нұсқалардың арасынан "тұрмыстық жанжал" тексеріліп жатыр", - деді Қостанай облысы ІІД төрағасы Елена Кашарина.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай