+7 (777) 001 44 99
ПОДЕЛИТЬСЯ
"Қазақстан темір жолы" компаниясының еншілес кәсіпорны KTZ Express акционерлік қоғамы Астанадағы элиталық тұрғын үй кешендерінің біріндегі пәтерді аукционға қойды, - деп хабарлайды Tengrinews.kz тілшісі.
"Қазақстан темір жолы" компаниясының еншілес кәсіпорны KTZ Express акционерлік қоғамы Астанадағы элиталық тұрғын үй кешендерінің біріндегі пәтерді аукционға қойды, - деп хабарлайды Tengrinews.kz тілшісі.
Жылжымайтын мүлік электрон сауда алаңы порталында сатылымға шығарылды. Пәтер Шарль де Голль көшесіндегі элиталық тұрғын үй кешенінде орналасқан. Жалпы ауданы - 159,3 шаршы метр. Бастапқы бағасы - 482,3 миллион теңге, ең төменгі бағасы - 160,8 миллион теңге. Бұл ретте сатып алушы 24,2 миллион теңге көлемінде кепілдік жарнаны енгізуге тиіс.
e-auction.gosreestr.kz
Меншік сипаттамасында үш бөлмелі пәтерде ешқандай жөндеу жұмысы немесе жиһаз жоқ деп жазылған. Дегенмен, жарияланған суреттерде пәтерде жөндеу жұмыстары жүргізілгені, бірақ ескі екені көрінеді.
e-auction.gosreestr.kz
Аукцион 9 қарашаға жоспарланған болатын, алайда, деректерге сәйкес, ол өтпеген, себебі "аукцион басталған кезде сату объектісі бойынша аукцион залында бірде-бір қатысушы тіркелмеген немесе бастапқы бағаны аукцион залына қатысушылардың ешқайсысы растаған жоқ".
e-auction.gosreestr.kz
Астана бойынша "Азаматтарға арналған үкімет" мәліметіне сәйкес, бұл пәтердің иесі шынымен де KTZ Express акционерлік қоғамы болып табылады. Меншік нысаны – жеке.
e-auction.gosreestr.kz
Ұлттық компанияның (100 пайыздық үлесі бар) еншілес компаниясы неге жеке тұрғын үйге иелік ететіні белгісіз. Tengrinews.kz мәліметтерді анықтау үшін ҚТЖ-ға сауал жолдады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
