1. Басты
  2. Біл
  3. Оқиға
  4. Тосын жай

Куәгерлер шымкенттік автобус жүргізушілерінің жарысын видеоға түсірді01 ақпан 2017, 16:35

Видеодан кадр Видеодан кадр

Куәгер Шымкентте автобус жүргізушілерінің бір-бірімен жарысқанын видеоға түсіріп алды, - деп хабарлайды Tengrinews.kz тілшісі.

Куәгердің сөзінше, бұл жаңдай 1 ақпанда таңғы сегіз жарымда болды. Көліктің жолаушылар орнында отырған әйел автобустың жаяу жүргіншіге жол бермегенін байқап қалған. Осыдан кейін ол автобустардың жарысын телефонға түсіре бастаған. Әйел адам күйеуімен бірге жұмысқа бара жатқанын айта кетейік. 

"Жол бойы жарысып, бірін-бірі озуға тырысты. Алдағы автобус артта қалған жүргізушінің шамына тиіп отырды. Алға өткізбеді. Біз олардың артынан жүріп бара жатқанбыз. Айналып өте алмадық. Видеода автобустың қос жолақты кесіп өткені байқалады", - дейді куәгер.