+7 (777) 001 44 99
Қазақша
Русский
English
Шымкентте улы жылан қаптады. Бауырмен жорғалаушылар күн жылынғалы көбейген, - деп хабарлайды Tengrinews.kz тілшісі "КТК" телеарнасына сілтеме жасап.
Мамандардың сөзінше, жыландар жеке тұрғын үй секторында көп кездеседі. Осы айдың өзінде 13 адам "үйімізге жылан кіріп кетті" деп құтқарушы шақыртқан.
Телеарна мәліметінше, ауланған зиянкестердің көбі - өте улы саналатын шұбар және оқ жыландар. "Шағылысатын кезеңі мен күннің ыситын уақыты алда екенін ескерсек, жыландар бұдан да көп болады" дейді мамандар.
Былтыр көктем, жаз айларында 286 бауырмен жорғалаушы ұсталған. Бәрі қайтадан қала сыртына жіберіледі екен. Сондықтан мамандар табиғат аясына серуендеуге шыққанда сақ болуға кеңес берді.
"Құтқарушының бірінші міндеті - тұрғындардың қауіпсіздігі, көмек көрсету. Шымкент үлкейіп кетті. Кейінгі салынған шағынаудандар бар, сырт жақтан көп шақырады. Бір үйге 3-4 мәрте барған кезіміз болған", - дейді Шымкент ТЖД жедел құтқару жасағы басшысының орынбасары Рауан Дүйсенбеков.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
