Қырғызстан аумағында тағы екі жер сілкінісі болды

14 Қараша 2014, 09:58
0
©Тengrinews.kz
©Тengrinews.kz

Қырғызстан аумағында 4,2 және 5,3 магнитудалы екі жер сілкінісі болды, - деп хабарлайды Tengrinews.kz тілшісі ҚР БҒМ Ғылым комитеті Сейсмологиялық тәжірибе-әдістемелік экспедициясына сілтеме жасап.

Сейсмологтердің мәліметінше, магнитудасы 4,2-ге тең жер сілкінісі 14 қараша күні Астана уақыты бойынша сағат 07.56-да болды. Ол 20 шақырым тереңдікте болған, эпицентрі - Алматыдан оңтүстікке қарай 129 шақырымда. 

Магнитудасы 5,3-ке тең екінші жер сілкінісі де сол жерде болды, жерасты дүмпулері Астана уақыты бойынша 08.09-де тіркелді. Жер сілкінісі салдарынан зардап шеккендер мен қираған нысандар туралы мәлімет жоқ.

Еске сала кетейік, бүгін Астана уақыты бойынша сағат 07.24-те Алматыдан 130 шақырымда - Қырғызстан аумағында 6,0 магнитудалы жер сілкінісі болды. Оның эпицентрі Қырғызстан аумағында - Шолпан Ата қаласынан оңтүстік-шығысқа қарай 40 шақырымда анықталды. Алматыда жерасты дүмпулері 3-4 балл түрінде сезілді.

 


Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай