+7 (777) 001 44 99
Қазақша
Русский
English
Қарағандыда ауруханада жол-көлік оқиғасы салдарынан зардап шеккен қыз қайтыс болды, - деп хабарлайды Tengrinews.kz тілшісі.
"Степной-4-те жол апатынан зардап шеккен әйел бүгін таңғы төрт шамасында қайтыс болды. Ол профессор Х. Мақажанов атындағы клиниканың жансақтау бөлімінде жатты", - деді Қарағанды облыстық денсаулық сақтау басқармасы баспасөз қызметінің өкілдері.
Дәрігерлердің айтуынша, зардап шеккен екінші адам ауруханада қаралғаннан кейін, жатудан бас тартқан.
Айта кетейік, оқиға 20 қазанда Степной-4 ықшамауданында болған. Lexus тізгінінде болған ер адам мас күйде көпқабатты үйдің алдында тұрақта тұрған бес автокөлікті қиратқан. Жол апаты салдарынан 25 жастағы жігіт пен 29 жастағы қыз ауруханаға түскен еді.
Сот санкциясымен жүргізуші екі айға қамалды. Полициядан алып кетпекші болған екі ер адам да қамауға алынды - үш және бес тәулікке.
