19 қазан 2016 | 13:33

Маңғыстау облысында 6 оқушы қыз иіссудан уланды

Айдос Қосыбаев

Маңғыстау облысында иіссу қолданған 6 оқушы қыз ауруханаға түсті, - деп хабарлайды Tengrinews.kz тілшісі.

Төтенше жағдай Маңғыстау облысы Шетпе ауылының Меңдалыұлы атындағы орта мектепте болған. Білім басқармасы басшысының орынбасары Гүлмира Мамаеваның айтуынша, 17 қазанда сағат 17:30-да 6 оқушы қыз өздерін нашар сезінген.

"Олардың көздері қызарып, қол аяқтары дірілдей бастаған. Олардың ата-аналары ескертіліп, дереу аудандық ауруханаға жеткізілді. Сол жерде алғашқы көмек көрсетілген, сағат 20.00-дер шамасында балалар өздерін жақсы сезініп, артынша үйлеріне жіберілді. Балалардың айтуынша, қыздар жақын жердегі дүкеннен шарлы иіссу сатып алып, ішке алып кіріп кезекпен себе бастағанда пайда болған", - деді Гүлмира Мамаева.

Маңғыстау облыстық Денсаулық сақтау басқармасында бұл мәліметтерді растап отыр.

"Қыздарды қарап болғаннан соң, оларды кешке дейін дәрігерлердің қарамағында болуы үшін қалдырған. Алайда сол күні ақ оқушылар үйлеріне қайтқан. Қазіргі уақытта оқушы қыздар өздерін жақсы сезінеді, - деді Маңғыстау облысының денсаулық сақтау басқармасының басшысы Марал Қадыр.

Осы іс бойынша, аудандық прокуратура тексеру шараларын бастады. Сонымен қатар бұл жұмысқа құқық қорғау департаментінің қызметкерлері де жұмылдырылған.

Улану соңғы жаңалықтар Мектеп Маңғыстау облысы Денсаулық