Маңғыстау облысы Маңғыстау ауылы жаяу жүргіншілер жолында баланы көлік қағып кетті. Оқиға видеоға түсіп қалған, - деп хабарлайды Tengrinews.kz тілшісі lada.kz сайтына сілтеме жасап.
Желіде жаяу жүргіншілер жолында баланы көлік қағып кеткен сәттің видеосы жарияланды. Аймақ полициясы мәліметінше, жол апаты 14 наурызда сағат 13.30-да Маңғыстау ауылында "Келдіаман" сауда орталығына қарсы болған.
Opel Vectra көлігінің жүргізушісі алты жасар қызды қағып кеткен.
"Зардап шеккен бала аудандық ауруханаға жеткізіліп, медициналық көмек көрсетілгеннен кейін үйге жіберілді. Жүргізушіге 610-баптың 2-бөлігі "Көлік құралдары жүргізушілерінің жәбірленушінің денсаулығына жеңіл зиян келтіруге әкеп соққан ЖҚЕ бұзуы" және ӘҚБтК-нің 611-бабының 2-бөлігі "Жүргізушінің өзі қатысқан ЖКО орнын жол жүрісі қағидаларын бұза отырып тастап кетуі" бойынша әкімшілік хаттамалар толтырылды", - деді өңір полициясы қызметкері.
Сілтемесіз жаңалық оқисыз ба? Онда Telegram желісінде парақшамызға тіркеліңіз!