Маңғыстауда суға батып кеткен жасөспірімге қатысты жаңа деректер шықты

Құтқарушылар суға батып кеткен бейнеуліктің денесін іздестіріп жатыр. Жасөспірім теңізге арнайы тақтамен (SUP-board) шыққаны белгілі болды. Бұл туралы Маңғыстау облысының Төтенше жағдайлар департаменті өкілі айтты, - деп хабарлайды lada.kz. 

Төтенше жағдайлар департаментінің мәліметінше, құтқарылған екі жасөспірімнің жағдайы қалыпты. Оларға медициналық көмек қажет емес.

"Оқиға орнына Төтенше жағдайлар департаментінің 6 қызметкері, жедел-құтқару жасағының 6 қызметкері, 2 техника, 2 жүзу құралы, медицина және апат орталығынан 3 адам барды", - деп хабарлады Маңғыстау ТЖД өкілі.

Еске салайық, бұған дейін Ақтауда Приморский маңында бір жасөспірім суға батып кеткені хабарланған болатын. 

Сілтемесіз жаңалық оқисыз ба? Онда Telegram желісінде парақшамызға тіркеліңіз!