+7 (777) 001 44 99
Қазақша
Русский
English
Маңғыстау облысынан Шымкентке пойызбен шығып, үш баласымен жоғалып кеткен Дилбар Тілеулесова табылды, - деп хабарлайды Tengrinews.kz тілшісі.
Маңғыстау станциясындағы желілік полиция бөлімі мәліметінше, 2021 жылдың 30 шілдесінде әйел балаларымен пойызға отырып Шымкентке аттанған. Бірақ межелі жерге жетпеген. Осы уақытқа дейін олар қай жерде екені туралы ақпарат болған жоқ.
Lada.kz мәліметінше, оның жанында кәмелетке толмаған үш баласы болған. Біреуінің дүниеге келгеніне бар-жоғы 40 күн өткен.
"2021 жылғы 2 тамызда Маңғыстау станциясындағы көлік полициясының қызметкерлері 2021 жылы 30 шілдеде хабар-ошарсыз кеткен Тілеулесова Д. Б. және оның үш кәмелетке толмаған баласының тұрған жерін анықтады.
Жедел-іздестіру шараларын жүргізу кезінде жедел уәкілдер осы уақыт ішінде әйел балаларымен бірге Маңғыстау облысының Жаңаөзен қаласында құрбысының жанында болғанын анықтады. Әйел мен кәмелетке толмаған балалар тексерілді, қандай да бір дене жарақаттары жоқ", - делінген Көліктегі полиция департаментінің баспасөз қызметі хабарламасында.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
