Маңғыстау облысының тұрғыны ауласынан есін білмейтін, өлім аузында жатқан ер адамды тауып алды, - деп хабарлайды "Лада".
Басылымның мәліметінше, оқиға бірнеше күн бұрын Мұнайлы ауданындағы Атамекен ауылында болған. Ауласындағы сарайына кірген әйел медициналық көмекке зәру ер адамды көреді. Әйел оның есімін сұрайды, дегенмен ол есін білмейтін болып шықты. Ер адам жедел жәрдем қызметі мен полицейлер келгенше қайтыс болды.
Айта кетейік, полиция қызметкерлері қайтыс болған адамның аты-жөнін анықтады. Ол Өзбекстанның 40 жастағы азаматы болып шықты. Ер адамның денесі сот-медициналық сараптамасына жіберілді. Осы дерекке байланысты тергеу амалдары жүргізіліп жатыр.
Өзбекстан
Құқық қорғау органдары
қазақша жаңалықтар сайты
қазақ тілінде жаңалықтар
соңғы жаңалықтар
Маңғыстау облысы
