+7 (777) 001 44 99
Қазақша
Русский
English
Маңғыстау облысындағы "Шетпе-Жыңғылды" автожолының Маңғыстау ауданындағы бөлігінде болған жол-көлік оқиғасынан екі адам қаза тауып, тағы біреуі жарақат алды, - деп хабарлайды "Лада" құқық қорғау органдарына сілтеме жасап.
Полицияның мәліметінше, Ақтау қаласының 21 жастағы тұрғыны Daewoo Nexia көлігін жүргізіп келе жатып, жол бойына шыға келген түйені соққан. "Жол-көлік оқиғасының салдары ауыр болды: жеңіл көліктің жүргізушісі мен 51 жастағы жолаушы әйел - Өзбекстан азаматшасы алған жарақаттарынан оқиға орнында қаза болды. Тағы бір жолаушы - 20 жастағы жігіт жабық бассүйек-ми жарақатымен, миы шайқалып және өзге де дене жарақаттарымен ауруханаға жеткізілді", - деп хабарлады басылым тілшілеріне жол-патрульдік полициясының қызметкерлері.
Жол апатына себепкер болған түйе өлді.
