15 қыркүйек 2015 | 15:13

Мәншүк Мәметованың ескерткішін көлігімен соққан депутатқа жаза тағайындалды

Жол апатынан кейінгі Аманкелді Таспиховтың автокөлігі. © Tengrinews.kz

Оралда бұрынғы мәжілісмен және қазіргі мәслихат депутаты Аманкелді Таспиховқа Ұлы Отан соғысының батыры Мәншүк Мәметованың ескерткішіне соғылғаны үшін 20 мың теңге айыппұл салынды, - деп хабарлайды Tengrinews.kz тілшісі облыстық соттың баспасөз қызметіне сілтеме жасап.

Оралда бұрынғы мәжілісмен және қазіргі мәслихат депутаты Аманкелді Таспиховқа Ұлы Отан соғысының батыры Мәншүк Мәметованың ескерткішіне соғылғаны үшін 20 мың теңге айыппұл салынды, - деп хабарлайды Tengrinews.kz тілшісі облыстық соттың баспасөз қызметіне сілтеме жасап.

Ол жол қозғалысы ережесін бұзғаны үшін сот алдында жауап берді. Ер адам 26 шілде күні орталық алаңдардың біріне "атып шығып", ескерткішке соғылды. Оқиғадан адам шығыны болған жоқ, бірақ ескерткіш қоршауларын жөндеуге тура келді.

Депутат жол апатына қатысты түсінік беріп, ол кезде өзін нашар сезініп, талып қалғанын айтты. Басқарусыз қалған оның көлігі бағдаршамның қызыл түсіне өтіп кетіп, көше қиылысынан бірақ шыққан. Сөйтіп алаңға жеткен автокөлік ескерткішке барып соғылды. Алайда сот оның айтқандарын дәлелсіз деп танып, 10 АЕК көлемінде, яғни 19 820 теңге айыппұл төлеу туралы қаулы шығарды.

Ұлы Отан соғысы Сот төрелігі Жол-көлік оқиғасы Айыппұл

TENGRI travel