+7 (777) 001 44 99
Қазақша
Русский
English
Алматыда полицейлердің көзінше "дрифт" жасаған жүргізуші әкімшілік жазаға тартылды. Бұл туралы Tengrinews.kz тілшісіне қалалық ІІД-нің баспасөз қызметінен мәлімдеді.
Instagram желісіндегі пабликтердің бірінде жарияланған видеодан тюнинг жасалған BMW көлігінің дымқылданған тасжол үстінде "дрифт" жасағанын көруге болады. Осы уақытта бірден тәртіп сақшылары келеді, дегенмен, жүргізуші тоқтамайды.
Алматы ІІД-нің баспасөз қызметінің мәліметінше, оқиға 26 сәуірде кешкі 19.00 шамасында болған. Талғар қаласының 1995 жылы туған тұрғыны әкімшілік жауапкершілікке тартылды.
"595-баптың 1-тарауы (Маневр жасау ережелерін бұзу), 601-баптың 1-тарауы (Жол белгілерінде көрсетілген талаптарды немесе жолдың жүргін бөлігіндегі белгіні сақтамау) және 630-баптың 1-тарауы (Жолдарды бүлдіру) бойынша әкімшілік хаттама толтырылды", - деп хабарлады ІІД өкілдері.
