+7 (777) 001 44 99
Қазақша
Русский
English
Екібастұзда адам өліміне соқтырған жол көлік оқиғасына қатысты мектеп мұғалімі сотталды, - деп хабарлайды Tengrinews.kz тілшісі қалалық соттың баспасөз қызметіне сілтеме жасап.
Сот отырысы кезінде әйел адамның жүргізуші куәлігінен үш жылға айырылғанына қарамастан мас күйінде тізгінге отырғаны айтылды. Осының салдарынан ол көлікті жол шетіне аударып алған. Оқиға салдарынан көлікте отырған жолаушы түрлі жарақаттармен ауруханаға жеткізіліп, жансақтау бөлімінде көз жұмған.
Айыпталушы өз кінәсін мойындап, істегеніне өкініш білдірді.
Марқұмның ағасы айыпкерді бала кезінен әпкесінің жақын құрбысы ретінде танитынын және оған ешқандай арызы жоғын айтқан. Сонымен қатар, ол айыпкерді бас бостандығынан айырмауды сұраған.
Сот үкімімен әйел адам ҚР ҚК-нің 55-бабының 1 және 2-тарауы бойынша айыпты деп танылып, үш жыл алты айға бас бостандығынан айырылды. Сонымен қатар, көлік саласына қатысты жұмыспен 7 жыл айналысуға тыйым салынды.
ҚР ҚК-нің 63-бабына сәйкес, бас бостандығынан айыру шартты түрде тағайындалды.
Сот үкімі заңды күшіне енген жоқ.
