13 шілде 2019 | 14:59

Нұр-Сұлтанда бала футбол алаңында тоққа түскен

Камила Долаева Журналист

Нұр-Сұлтанда аулалардың бірінде баланы тоқ ұрған, - деп хабарлайды Tengrinews.kz тілшісі.

Болған оқиға туралы ақпарат Instagram желісіндегі Astanovka98 парақшасында пайда болды. Куәгерлер оқиға 12 шілдеде Конституция көшесіндегі үй ауласында болғанын айтады. Бала допты аламын деп қоршауға шыққан, осылайша жабық футбол алаңының үстінен өткен электр беру желісіне тиіп кеткен. Бала құлап, талып қалған. Куәгерлердің айтуынша, жедел жәрдем дәрігерлері жедел медициналық көмек көрсетіп, содан кейін бала есін жиған.

Посмотреть эту публикацию в Instagram

Ребенок получил удар током в одном из дворов Астаны. ⠀ Произошло это, предположительно сегодня, в районе Сарыарка, во дворе дома по ул. Конституция, 19. Ребенок полез на забор за мячом и задел линию электропередач, которая проходила поверх крытого футбольного поля. Мальчик упал и оказался в состоянии клинической смерти. ⠀ По словам свидетелей, врачи скорой помощи быстро и оперативно оказали медицинскую помощь, после чего ребенок пришел в себя.

Публикация от A98 / Новости Астаны (@astanovka98) 12 Июл 2019 в 5:24 PDT

Елордалық полиция баспасөз қызметінің хабарлауынша, 12 шілдеде сағат 18.00 шамасында қалалық балалар ауруханасына 13 жастағы бала түрлі жарақаттармен жеткізілген.

"Бала Конституция көшесіндегі ойын алаңында (футбол алаңында) дене жарақатын алған. Оқиғаның мән-жайы анықталып жатыр. Бұл дерек бойынша сотқа дейінгі тергеу жүріп жатыр. Қажетті сараптамалар тағайындалып, нәтижесінде процессуалды шешім қабылданады", - деді полиция баспасөз қызметіндегілер.

Астана

TENGRI travel