Нұр-Сұлтанда куәгерлер ерекше жол апатын видеоға түсіріп алған. Кадрда бір көліктің екіншісінің астына қалай өткені көрсетілген, - деп хабарлайды Tengrinews.kz тілшісі.
Видео Instagram-дағы astana_sergek парақшасында жарияланған.
Нұр-Сұлтан қаласы Полиция департаменті баспасөз қызметінің мәліметінше, жол апаты 4 мамырда сағат 21.35 шамасында Мәңгілік Ел даңғылы бойындағы Әбіш Кекілбайұлы көшесінде болған.
"Toyota 55 автокөлігінің жүргізушісі алда келе жатқан көлікке дейінгі аралықты сақтамай, Toyota 45-пен соқтығысқан", - деді полицейлер.
Ведомство өкілі жол апатынан ешкім зардап шекпегенін атап өтті.
"Toyota 55 жүргізушісіне ҚР ӘҚБК 610-бабы бойынша әкімшілік хаттама толтырылды. Материал мамандандырылған ауданаралық әкімшілік сотқа жіберілді", - деді Нұр-Сұлтан ПД баспасөз қызметі өкілі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!