02 маусым 2022 | 16:05

Нұр-Сұлтанда КамАЗ жүргізушісі полицейлерге шабуыл жасаған

Жансая Қадыржанова Корреспондент

КамАЗ жүргізушісі Нұр-Сұлтан полицейлерімен төбелескен. Оған жол апатынан кейін полицейлердің жүк көлігін тоқтатқысы келгені себеп болған, - деп хабарлайды Tengrinews.kz тілшісі.

КамАЗ жүргізушісі Нұр-Сұлтан полицейлерімен төбелескен. Оған жол апатынан кейін полицейлердің жүк көлігін тоқтатқысы келгені себеп болған, - деп хабарлайды Tengrinews.kz тілшісі.

Оқиға 30 мамырда болған. Оның видеосы әлеуметтік желілерде тарады.

Посмотреть эту публикацию в Instagram

Публикация от Астана Сергек 24/7 (@astana_sergek)

"30 мамырда сағат 17:20-да оқиға орнынан қашып кетуге тырысқан КамАЗ автокөлігінің 39 жастағы жүргізушісі жол апатына себепші болған. Жүргізуші полицейлердің көлікті тоқтату туралы заңды талаптарын елемей, патрульдік автокөлікпен соқтығысқан, сондай-ақ, ұстау кезінде физикалық қарсылық көрсеткен", - деді Полиция департаментінің баспасөз қызметі өкілі.

Осы дерекке қатысты Қылмыстық кодекстің 380-бабы, 3-бөлігі, 1-тармағы "Билік өкіліне, екі және одан да көп адамға күш қолдану" бойынша соталды тергеу басталды.

Сот қаулысымен күдіктіге екі ай мерзімге күзетпен ұстау түріндегі бұлтартпау шарасы санкцияланды.

Видеода бейәдеп сөздер бар!