![Фотоколлаж Tengrinews.kz](/userdata/news_kk/2021/news_325594/thumb_b/photo_85253.png)
Нұр-Сұлтанда құдыққа құлап, қаза болған балаға қатысты іс бойынша сот үкімі шықты, - деп хабарлайды Tengrinews.kz тілшісі astanatv.kz телеарнасына сілтеме жасап.
Нұр-Сұлтанда құдыққа құлап, қаза болған балаға қатысты іс бойынша сот үкімі шықты, - деп хабарлайды Tengrinews.kz тілшісі astanatv.kz телеарнасына сілтеме жасап.
13 жастағы Бағдәулет Өмірхан 2019 жылы кәріз құдығына құлап қаза тапқан болатын.
Алмалы аудандық соты учаске бастығын абайсызда болған бала өліміне кінәлі деп тапты. Ол кәріз құдығының ашық қалуына жол берген.
"Сот Владимир Валентинович Власенконы ҚР ҚК-ның 104-бабы 1-бөлігі бойынша қылмыстық құқықбұзушылықты жасағаны үшін кінәлі деп тануға үкім шығарды. ҚР ҚК-нің 71-бабы 2-бөлігі негізінде оны айыптау үкімінің мерзімі өтуіне байланысты қылмыстық жауаптылықтан босатсын", - деді Алмалы ауданы №2 аудандық сотының үкімін оқыған Ұбайдолла Қошанов.
"Астана Су Арнасы" қызметкері марқұмның анасына төрт миллион теңге төлеуі тиіс және тағы алты миллион моральдық шығын төлеуі керек.
Қайтыс болған баланың анасы үкіммен келіспейді және ұлының өліміне кінәлі адамдар түрмеде отыруы керек деп санайды. Сонымен қатар, ол 50 миллион өтемақы талап етті.
"Судья заңсыз үкім шығарды, ол тыңдаудың бірінші күні маған және менің адвокатыма дөрекі көрінді, процесс барысында бізді әрдайым бөліп отырды. Толық сұрақтар қоюға рұқсат берілмеді және ол өте асығыс болды. Тыңдаудың бірінші күні үкім шығаруға дайын болған сияқты", - дейді баланың анасы.
Баланың анасы үкімге 15 күн ішінде шағымдана алады.
Айта кетейік, құтқарушылар 2019 жылғы 19 ақпанда құдықтан жоғалған баланың мәйітін тапты. Ол онда бірнеше күн жатып қалған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!