+7 (777) 001 44 99
Қазақша
Русский
English
Нұр-Сұлтанда төрт жасар бала терезеден құлап кетті. Бұл туралы елордалық Полиция департаменті мәлім етті, - деп хабарлайды Tengrinews.kz тілшісі.
"2 тамызда сағат 20.37-де полицияға Иманбаева көшесі бойындағы тұрғын үйдің сегізінші қабаттағы терезесінен төрт жасар бала құлап кеткені туралы хабарлама түсті. Бала ата-анасымен бірге пәтерде болған. Ол ойнап жүріп, терездегі торға ауып, құлап кеткен. Әкесі оқиғаны көріп тұрып, ештеңе істей алмаған. Бала алған жарақаттарынан оқиға орнында қаза болды", - деді Полиция департаменті баспасөз қызметіндегілер.
Құқық қорғау органдарының мәліметінше, жыл басынан бері елордада 25 бала терезеден құлап, олардың үшеуі қаза болған. Полиция қызметкерлері ата-анадан балаларын қараусыз қалдырмауды және терезе алдында ойнауға жол бермеуді сұрайды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
