1. Басты
  2. Біл
  3. Оқиға
  4. Тосын жай

ОҚО-да бес жасар бала каналға батып кетті

© time56.ru © time56.ru

Оңтүстік Қазақстан облысында бес жасар ұл бала суға батып кетті, - деп хабарлайды Tengrinews.kz тілшісі ІІМ ТЖК баспасөз қызметіне сілтеме жасап. Бала ата-анасының қарауынсыз қалған.

Қайғылы оқиға 21 сәуірде сағат 17.50-де Мақтаарал ауданындағы Атакент ауылында орналасқан К-39 каналында болды. "Ата-анасының қарауынсыз қалған 2013 жылы туған бала (ұл) абайсызда суға құлап, батып кетті. Баланың денесін куәгерлер судан алып шықты", - деп хабарлады комитеттегілер.

"Ата-аналарға өтініш: еліміздің оңтүстігінде күн жылынды, суға түсу маусымы ресми түрде басталған жоқ, бірақ мұндай жайттар қазірдің өзінде болып жатыр. Балаларының өмірі ата-аналары үшін қымбат деп сенгіміз келеді. Кішкентай балаларды қараусыз қалдырмауды сұраймыз", - деді қазақстандықтарға комитеттің мамандары.