ОҚО-да жол апатынан үш адам қаза тапты

25 Шілде 2016, 16:47
0
ОҚО-да жол апатынан үш адам қаза тапты - © Тұрар Қазанғапов
© Тұрар Қазанғапов

ОҚО-да жеңіл көлік пен жүк көлігінің соғысуынан үш жергілікті тұрғын қаза тапты, - деп хабарлайды Tengrinews.kz тілшісі облыстық ІІД баспасөз қызметіне сілтеме жасап.

Оқиға 24 шілдеде сағат 22.35-те Шымкент-Самара тас жолында болған. Opel Vectra көлігінің 1994 жылы туған жүргізушісі Ордабасы ауданына қарай бет алған. Ол сол бағытта кетіп бара жатқан Газ-53 автокөлігінің артынан соққан. 

"Жол апатынан 22 жастағы Opel Vectra жүргізушісі мен екі жолаушысы (22 жастағы жігіт пен 21 жастағы қыз бала) алған ауыр жарақаттарынан сол жерде қаза болған. Олар - Оңтүстік Қазақстан облысы, Ордабасы және Сайрам аудандарының тумасы. Осы көлікте отырған тағы бір 1994 жылғы қыз бала жарақат алып, аудандық ауруханаға жеткізілген", - деді ОҚО ішкі істер департаментіндегілер.

Оқиғаның дәйектері бойынша қылмыстық іс "Жол қозғалысы ережелерін бұзу" бабы бойынша қозғалған. Сотқа дейінгі тергеу жұмыстары жүргізілді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай