+7 (777) 001 44 99
Қазақша
Русский
English
Қазнетте жексенбі күні Instagram мен Telegram-арналарда пайда болған видео қолданушыларды шошытты. Кадрлардан өлтірілгенге ұқсайтын екі полицейді көруге болады. Олардың бірі патрульдік машинада, екіншісі жерде қан-жоса болып жатыр.
"Уақыты мен мән-жайы белгісіз", - делінген видеоның сипаттамасында.
Кейбір қолданушылар алаңдап, бұл видеоны БАҚ-тарға жолдады.
Қазақстанның ІІМ ресми өкілі Алмас Сәдубаев Tengrinews.kz тілшісіне бұл роликтің жалған екенін мәлімдеді.
"Бұл Алматыда түсірілген деректі фильмнің кадрлары. Азаматтарды уайымдамауға шақырамыз, қалада жағдай тұрақты. Ал таратушыларға келсек, біз тексеріс бастаймыз, олардың қандай мақсатта бұлай таратқанын анықтаймыз, ісіне баға береміз", - деді ол.
