Оңтүстік Қазақстанда 17 жастағы қыз "ерекше" жолмен әкесінен ақша бопсалады

Оңтүстік Қазақстан облысында жоғалып кеткен қызды полицейлер тауып алды, ол өзін біреулер ұрлады деп ойдан шығарған, - деп хабарлайды Tengrinews.kz тілшісі облыстық ІІД баспасөз қызметіне сілтеме жасап.

Оңтүстік Қазақстан облысында жоғалып кеткен қызды полицейлер тауып алды, ол өзін біреулер ұрлады деп ойдан шығарған, - деп хабарлайды Tengrinews.kz тілшісі облыстық ІІД баспасөз қызметіне сілтеме жасап.

ІІД баспасөз қызметінің мәліметінше, 27 желтоқсанда Сарыағаш АІІБ полиция бөліміне 40 жастағы жергілікті тұрғын арызданып, бопсалаушылыққа тап болғанын айтқан. "Зардап шеккен азамат өзінің кәмелет жасқа толмаған қызының (1998 жылғы) азық-түлік алу үшін базарға кетіп, қайта оралмағанын айтты. Бірер уақыттан кейін оның телефонына белгісіз біреуден хабарлама келген, онда қызын босату үшін біреулер ақша талап еткен", - деді баспасөз қызметіндегілер.

Бұл дерек Сарыағаш АІІБ сотқа дейінгі тергеудің бірыңғай реестріне тіркелді. ҚР ҚК 125-бабы "Адам ұрлау" бойынша қылмыстық іс қозғалды.

Полицейлер жоғалып кеткен қыздың қайда екенін анықтады. Ол Шымкенттегі Республика даңғылында орналасқан үйлердің бірінде жалдамалы пәтерден табылды. Кейін оны ешкімнің ұрламағаны анықталды.

Қыз өзін біреулер ұрлап әкетті деп ойдан шығарған. "Ол Интернет арқылы танысқан жігітке барып, ақша алу мақсатында оның телефонынан әкесіне хабарлама жолдаған. Кәмелет жасына толмаған қыз еш жерде оқымайды және жұмыс істемейді, сонымен қатар, осыған дейін үйден қашқан", - деді департаменттегілер.

Қазір полицейлер оқиғаның мән-жайын анықтап жатыр.

Құқық қорғау органдары қазақша жаңалықтар сайты қазақ тілінде жаңалықтар соңғы жаңалықтар Оңтүстік Қазақстан облысы Адам ұрлау