+7 (777) 001 44 99
Қазақша
Русский
English
Оңтүстік Қазақстан облысында ер адам баланы құтқарамын деп өзі ажал құшты, - деп хабарлайды Otyrar.kz. Қайғылы оқиға 21 наурызда Қошқар ата ауылында болған.
Куәгерлердің айтуынша, қыз жағалаумен есекпен кетіп бара жатып, "Келес" арнасына құлаған. Оның атасы құтқармақшы болып, арнаға түседі. Ер адам қызды құтқарса да, өзі суға кетіп, қайтыс болған. Осыдан кейін оқиға жайлы хабар құтқарушыларға түседі, оқиға орнына бес адамнан тұратын топ жөнелтілген. Ер адамды іздестіру жұмыстары жүргізіліп жатыр.
"Қазіргі уақытта құтқарушылар аса қиын жағдайда жұмыс істеп жатыр, ер адам суға кеткен жерде судың жылдамдығы секундына екі метр, тереңдігі 1-ден сегіз метрге дейін, иірімдер бар, су астында көру мүмкін емес, судың температурасы таңғы уақытта 2 градус болды, күндіз 4 градус жылы", - деп хабарлады ОҚО ТЖД өкілі.
