ОҚО-да шыққан өрт алты сағат бойы сөндірілді

ОҚО-да мұнай базасында шыққан өрт алты сағат бойы сөндірілді, - деп хабарлайды Tengrinews.kz тілшісі ҚР ІІМ ТЖК ресми өкілі Руслан Иманқұловқа сілтеме жасап.

Айта кетейік, өрт ОҚО Сайрам ауданы Қарабұлақ ауылында шамамен сағат 10.50-де болған. Өрт сөндірушілердің арқасында мұнай базасындағы өрт сағат 17.07-де толықтай сөндірілді.

Кейінірек ОҚО-дағы алапат өрттің шығу себебі анықталған болатын. Вагондардың цистерналарды соғуы нәтижесінде бензин төгілген. Салдарынан 12 цистерна мен 3 жартылай вагон өртенген. Өрттің күшейіп кетуіне байланысты 15 сұйық қойма да өрттің астында қала жаздаған.

Айта кетейік, өртті сөндіруге 100-ге жуық адам мен 20 дана техника жұмылды. Сондай-ақ, өртті сөндіруге Шымкент станциясының пойыздары да келген. Өртсөндірушілер мұнай базасындағы өртті сөндіру үшін көбік шашқан.