16 маусым 2021 | 09:28

Оралда 15 жастағы мотоциклші жол апатынан қаза тапты

Оралда қала орталығындағы екі көшенің қиылысында минивэн жүргізушісі 15 жастағы мотоциклшіні қағып кетті. Жасөспірім алған жарақаттарынан ауруханада қаза болды, - деп хабарлайды Tengrinews.kz тілшісі.

Оралда қала орталығындағы екі көшенің қиылысында минивэн жүргізушісі 15 жастағы мотоциклшіні қағып кетті. Жасөспірім алған жарақаттарынан ауруханада қаза болды, - деп хабарлайды Tengrinews.kz тілшісі.

БҚО полиция департаменті мәліметінше, жол апаты 15 маусымда сағат шамамен 16.30-да Хиуаз Доспанова мен Неусыпов көшелерінің қиылысында болған.

"Volkswagen Sharan маркалы автокөлігінің 34 жастағы жүргізушісі қозғалып келе жатқан мотоциклшіге жол бермей, соқтығысты. 15 жастағы мотоциклші облыстық көпбейінді аурухананың жансақтау бөліміне жеткізілді", - деді БҚО полиция өкілдері.

Облыстық денсаулық сақтау басқармасындағылар жасөспірімге шұғыл операция жасалғанын хабарлады. Оның миы шайқалып, көп сүйегі сынған.