Оралда ақша айырбастау пунктін тонағысы келгендер ғимарат терезесін сындыра алмады

08 Ақпан 2018, 13:09
0
Оралда ақша айырбастау пунктін тонағысы келгендер ғимарат терезесін сындыра алмады -

Оралда белгісіз біреулер ақша айырбастау пунктін тонамақ болып, ғимараттың терезесін 39 рет гантельмен ұрып, сындырмақшы болған. Алайда тонаушылар онда сол күйі кіре алмаған, - деп хабарлайды "Мой Город".

Орал қалалық ІІБ Жергілікті полицияның аға инспекторы Динара Абдуқалықова тонаушылардың айырбастау пунктіне кіре алмағанын хабарлады.

"Видеокамераға олардың айырбастау пунктін 39 рет гантельмен ұрғаны, алайда терезені сындыра алмағаны түсіп қалған. Қылмыскерлер оқиға орнынан жасырынып кеткен. Бірақ күдіктілер келесі күні-ақ ұсталып, кінәларын мойындады", - деп хабарлады Орал қалалық ІІБ өкілдері.

Бұл дерек сотқа дейінгі бірыңғай тергеу реестріне тіркелді.

Басылымның мәліметінше, кейінірек ұсталғандардың бірі осыған дейін 7 желтоқсанда айырбастау пунктін тонап кеткені анықталды. "Сол кезде ол айырбастау пунктіне балғамен баса-көктеп кіріп, кассирді қорқытып, 130 мың теңгені алып кетіп, оқиға орнынан жасырынды", - деп хабарлады ІІБ Жергілікті полицияның аға инспекторы.

Ұсталғандар - 21 жаста, екеуі де осыған дейін сотты болған.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай