Оралда жол жиегінде бұзылған автобусты жөндеп жатқан автослесарь қайтыс болды, - деп хабарлайды "Мой город".
Қайғылы оқиға 3 наурызда Жәңгір хан көшесінің бойында Шаған өзені мен жанармай құю бекетінің ортасында болған.
Басылым мәліметінше, жолда автобус бұзылып, жол жиегіне тоқтаған. Көмекке слесарь шақырылды. Ер адам автобустың астына түсіп, жөндеп жатқан. Бір сәтте домкрат тайып кетіп, ер адамды автобус басып қалған. Ол оқиға орнында қаза тапты.
Қазіргі уақытта полицейлер оқиға орнында жұмыс істеп жатыр. Басқа да мәліметтер анықталып жатыр.
