+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Оралдағы аулалардың бірінде гараждардың артынан жаңа туылған нәресте табылды, - деп хабарлайды Tengrinews.kz тілшісі.
Оралдағы аулалардың бірінде гараждардың артынан жаңа туылған нәресте табылды, - деп хабарлайды Tengrinews.kz тілшісі.
Бала 4 қараша күні кешкі сағат 18.30 шамасында Молдағұлов көшесіндегі №14/1 үйдің ауласынан табылды. Облыстық денсаулық сақтау басқармасындағылардың хабарлауынша, ұл баланың өкпесі қабынған: нәресте қатты тоңып қалыпты, оның жағдайы орташа ауыр деп бағаланды. Ол қазір облыстық балалар ауруханасында, оны мамандар жылытып, балаларға арналған қоспалармен тамақтандырып жатыр. Дәрігерлердің айтуынша, нәресте қоспалармен тамақтануға бейімделді.
Орал ІІБ мәліметінше, нәрестенің анасы табылды. "Біздің қызметкерлер әйелді тапты, ол баланың анасы. Жасы 21-де, қаланың тұрғыны. Ұл бала 31 қазанда туылған. Қазір тергеу амалдары жүріп жатыр. Жағдай толық анықталғаннан кейін қылмыстық іс қозғау туралы шешім қабылданады", - деп хабарлады Орал ІІБ басшысы Манарбек Ғабдуллин.
ІІБ мамандарының айтуынша, баласын көшеге тастап кеткен әйел "Қауіпті күйде тастап кету" бабымен жазалануы мүмкін. Ол бапта 50 АЕК көлемінде айыппұл салу немесе 1 жылға бас бостандығына шектеу қою жазасы қарастырылған.
